كتابات تستحق النشر لإبراهيم شحرور

ألزهايمر

02 : 00

21 أيلول كان اليوم العالمي لمرضى ألزهايمر

«خرفان؟

ما بعرف إذا خرفان

أو ساكن بْ راسي حدا تاني…

من يوم مَ تْعرّفْت عَ النسيان

مش قادر النسيان… ينساني

مرّہ فرِحْت… وْراحت الضحكِه

وْمَ عْرِفْت وين بتروح من دوني

وْمرّہ زعِلْت… وجيت تا إبكي

وْنْسيت حطّ دْموع… بعْيوني…

نْسيت لْ بيحبّوني… وشو مَ يْصير

لا بدّ ما شي يوم ينسوني…

شو بْخاف ينسوني… بخاف كْتير

وْأكتَر… إذا نسْيو يحبّوني»…