كتابات تستحق النشر

عقصةْ دبّور

دبّور إسمي … وْبالعقص مشهور

من هيك صارو يتهموني زُور

كلْما حدا ورْمِتْ خدودو شْويّ

بْينقال : هيدي عقصةِ الدّبور

في ناس حكْيو كْتير عن سَمّي

وْكلّ الْحكي اللي انْقال مش هَمّي

كف شكل قالو عقصتي مْسِمّي

ولْ بعقصو دكتور ما بيزور !

مْنِ الصبح بشرب قهوتي … وبْطير

بكنّس الحقل من القمل بكّير

وْكلْما شفت شي عنكبوت بْصير

متل الصقر هاجم عَ سرب طيور

يا ريت هالإنسان متلي كان

لا عضّ خيّو … لا غدَر … لا خان

قدّيش مُرّه عقصةِ الْإنسان

وْقدّيش حلوه عقصةِ الدبّور

• شعر