إذا قدرنا من كلّ هالإيام الصعبة نطلع بشغلة وحدة، فيا ريت تكون مبدأ المحاسبة، بمعنى إنو نشوف حزبيّين عم بيحاسبوا رئيس حزبهم على خياراتو، هيك بتصير أهون على كلّ الناس تقدر تحاسب المسؤولين، وما بتعود الأمور فالتة. لمّا القاعدة الحزبية بتيّار "المستقبل" بتصير تقدر تحاسب الرئيس سعد الحريري، وقاعدة "القوات اللبنانية" تقدر تحاسب الدكتور سمير جعجع، وقاعدة "التيار الوطني الحرّ" تقدر تحاسب الوزير جبران باسيل، وقاعدة حركة "أمل" تقدر تحاسب الرئيس نبيه بري، وقاعدة "حزب الله" تقدر تحاسب السيّد حسن نصرالله، وقاعدة حزب "الكتائب" تقدر تحاسب الشيخ سامي الجميّل، ساعتها - وبسّ ساعتها - بيصير فينا نحاسب وطنياً، وبيصير عنّا وطن منستحقّو. الثورة أو الحراك الشعبي لازم يأسّسوا حتماً لمبدأ المحاسبة، ويلغي أسوأ مَثل لبناني معروف وهو: "أنا وخييّ على إبن عمّي، وأنا وإبن عمّي عالغريب"...
*طوني خليل
